Föstudagur 29. mars, 2024
-2.2 C
Reykjavik

Margrét Gauja gráti næst er vísa á vini úr landi: „ÉG.HATA.ÚTLENDINGASTOFNUN!“

VefTv

- Auglýsing -

Hlaðvörp

- Auglýsing -

Margrét Gauja Magnúsdóttir, fyrrum bæjarfulltrúi í Hafnarfirði og nú ferðaþjónustubóndi, er þekkt fyrir að vera með munninn fyrir neðan nefið; er með ákveðnar skoðanir og lætur engan valta yfir sig, hvorki fyrr né síðar. Og hún er öskureið yfir meðferð íslenskra stjórnvalda á útlendingum og hælisleitendum og tjáir sig á mannamáli eins og henni er einni lagið:

„Hann heitir Hemn; er frá Kúrdistan og er vinur minn,” segir Margrét Gauja og bætir við:

„Það á að henda honum úr landi í næstu viku. Hemn er hámenntaður og talar reiprennandi ensku,“ segir hún og veltir því fyrir sér hvernig íslensk stjórnvöld koma fram við útlendinga og hælisleitendur hér á landi; hvernig við virðum lítið menntun þeirra og réttindi – og síðast en ekki síst það hvernig Útlendingastofnun kemur fram við áðurnefnt fólk, en þar á bæ virðist í það minnsta ekki ríkja mikill mannkærleikur, svo ekki sé dýpra í árina tekið.

Forstjóri Útlendingastofnunar er Kristín Völundardóttir. Í fjarveru hennar er staðgengill forstjóra Þorsteinn Gunnarsson.
Kristín Völundardóttir.

Margrét Gauja nefnir að jafnhliða því sem útlendingum og hælisleitendum er hent miskunnarlaust úr landi – oftast með líkamlegu ofbeldi; handafli – og í mörgum tilvikum beint á götuna í heimalandi þeirra og jafnvel út í opinn dauðann – þá er staðan sú á Íslandi í dag sú „að á sama tíma öskrar ferðaþjónustan á starfsfólk.“

Og varðandi annað mál af svipuðum toga vandar Margrét Gauja Útlendingastofnun ekki kveðjurnar:

Baráttukonunni Margréti Gauju ofbýður grimmd Útlendingastofnunar.

„Við komuna til Grikklands fá þau afhent tjald og vonandi komast þau yfir pappakassa til að nota sem dýnur“ segir ákveðni mannvinurinn og baráttukonan Margrét Gauja og endar færslu sína á þessum orðum  hér að neðan og vísar í þessa grein, og er hvergi nærri hætt baráttu sinni:

- Auglýsing -

„ÉG.HATA.ÚTLENDINGASTOFNUN!“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -