• Orðrómur

Markús dæmdur fyrir að nauðga dóttur sinni frá því hún var fimm ára þangað til hún varð níu ára

Helgarviðtalið

- Auglýsing -

Orðrómur

- Auglýsing -

Í dag var Íslendingurinn Markús Betúel Jósefsson fundinn sekur um að hafa ítrekað nauðgað dóttur sinni og dæmdur í fjögurra ára fangelsi af dómstól í Svendborg í Danmörku.

Allt frá því að stúlkan, sem er nítján ára gömul í dag, var einungis fimm ára og allt þar til hún varð níu ára, mátti hún þola nauðganir af hálfu föður síns sem heitir Markús Betúel Jósefsson. Hinn rúmlega fimmtugi Markús var fundinn sekur um að hafa margsinnis nauðgað dóttur sinni.

Komið hefur fram að Markús hafi ávallt neitað sök og þegar í stað áfrýjað dómnum.

Auk þess að hljóta dóm fyrir hræðileg brot sín gegn eigin dóttur var Markúsi vísað úr landi í Danmörku fyrir fullt og allt; að afplánun lokinni og má aldrei aftur koma þangað.

Nauðganirnar ítrekuðu áttu sér stað á árunum 2006 til 2010, en þá hafði Markús umgengnisrétt við dóttur sína. Ofbeldið átti sér ekki bara stað í Danmörku heldur líka á Íslandi.

Frá árinu 2010 hefur dóttir Markúsar ekki séð föður sinn.

- Auglýsing -

Sveitarfélagið Nyborg tilkynnti málið til lögreglu fyrrir þremur árum síðan og þá hófst rannsókn þess. Rannsóknin leiddi í ljós að Markús bjó á Spáni. Í júní í fyrra var hann úrskurðaður í gæsluvarðhald; að honum fjarstöddum. Þá var hægt að gefa út alþjóðlega handtökuskipun á hendur Markúsi. Um miðjan október í fyrra var hann handtekinn í borginni Alicante á Spáni. Rúmum mánuði síðar var hann framseldur til Danmerkur; þar hefur hann setið í gæsluvarðhaldi síðan. Framundan er fjögurra ára vist í dönsku fangelsi.

 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -