2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Meghan Markle geislar í brúðarkjól

Margir bíða nú í ofvæni eftir konunglega brúðkaupinu þann 19. maí næstkomandi þegar leikkonan Meghan Markle gengur að eiga Harry Bretaprins.

Sjá einnig: Allt sem við vitum um konunglega brúðkaupið.

Meghan lauk nýverið tökum á nýjustu þáttaröð sjónvarpsþáttanna Suits, sem verður líklegast hennar síðasta þáttaröð þar sem hún ku ætla að leggja leiklistarferilinn á hilluna eftir að hún játast Harry.

Í þáttaröðinni giftist karakter Meghan, Rachel Zane, unnusta sínum Mike Ross, sem leikinn er af Patrick Adams. Fréttaveitan Entertainment Weekly fékk að birta myndir úr brúðkaupssenunni þar sem Meghan klæðist afskaplega fallegum og klassískum brúðarkjól. Myndirnar má sjá hér fyrir neðan:

AUGLÝSING


Sérfræðingar eru þó á einu máli um að brúðarkjóllinn úr Suits verði ólíkur þeim sem leikkonan klæðist þann 19. maí. Þar sem konungleg brúðkaup eru frekar hefðbundin er líklegt að brúðarkjóll Meghan verði með ermum, ólíkt þeim sem hún klæðist í Suits.

Lítið er vitað um kjól Meghan á stóra daginn, en talið er að hún muni klæðast fleiri en einum brúðarkjól þegar hún og Harry verða pússuð saman, þar sem Kate Middleton, eiginkona Vilhjálms Bretaprins, klæddist tveimur kjólum á sínum merkisdegi; einum í athöfninni og einum í veislunni. Líklegt er að Meghan geri slíkt hið sama.

Ekki missa af þessum

Annað áhugavert efni

Nýjast á Mannlíf.is