Það kemur fram í minnisblaði skóla- og frístundasviðs borgarinnar, sem lagt var fyrir borgarráð, að alls eru 187 pláss ónýtt á leikskólum Reykjavíkurborgar vegna þess að ekki hefur tekist að fullmanna leikskólanaskólana.
Einnig að enn á eftir að ráða í 83 stöðugildi í 67 leikskólum; meðan það er ekki gert er ómögulegt að taka inn börn í leikskóla.
Meirihlutinn í Reykjavík kennir stöðu á vinnumarkaði um þetta ástand; lítið atvinnuleysi hefur orðið til þess að erfiðara er ráða fólk í vinnu á leikskólum.
Borgarfulltrúi Sósíalista, Sönnu Magdalenu Mörtudóttur, segir í ályktun að þess sé krafist að kjör og starfsaðstæður leikskólastarfsfólks verði betri.
Vísað er í upplýsingar úr áðurnefndu minnisblaði þar sem sést afar mikil starfsmannavelta á leikskólum; sem útskýrir að illa hafi gengið að bæta mönnun á síðustu vikum.
Sósíalistar telja þetta endurspegla léleg kjör starfsfólks leikskóla Reykjavíkurborgar.
Reykjavíkurborg setti sér það markmið árið 2018, að öll börn eigi að geta komist inn á leikskóla við tólf mánaða; fyrir árslok 2023. Virðist vera að nokkuð sé í að það markmið náist.