Í Facebook hópnum Íbúar í Miðborg segir Hanna Kristín frá vandamáli í karlaklefum Sundhallarinnar. „Þð er eitthvað undarlegt á seyði í karlaklefunum í Sundhöllinni, segir eiginmaðurinn mér. Heimaríkir karlar virðast taka lykla að einstaklingsklefunum með sér heim.“ Segir hún að 1/3 þessara skápa séu nú auðir, læstir og lyklalausir. „Maður sagði mínum manni að þessir karlar ættu það líka til að fela lyklana uppi á skápunum. Starfsfólk Sundhallarinnar er að reyna að ná lyklunum af þessum mönnum, en gengur það illa. Þetta er bara þjófnaður.“
Í athugasemdarkerfinu segir Svanur nokkur að um eldgamalt vandamál sé að ræða, „það sem er nýtt er einhver tilraun hjá þeim að hafa lykla að skápum í afgreiðslu og þú þarft að biðja um hann.“
Þá segir Hilmar að hann hafi vanið komur sínar í Sundhöllina frá árinu 2005 en aldrei upplifað vandamálið jafn sterkt og nú. „Freki kallinn? Þetta er ótrúleg ósvífni, ef satt reynist. Það verður að hugsa upp eitthvað nýtt kerfi – það hlýtur að vera búið að sjá fyrir svona hlutum í einhverjum kerfum. Kort, merki (token), segullás á armbandi… Eitthvað. Þetta gengur augljóslega ekki svona.“
Pétur telur sig vita ástæðuna, „ég geri ráð fyrir að þetta sé andóf gegn nýju skápunum sem eru lyklalausir – þ.e. maður borgar sig inn í sund og kemst þá að það eru ekki lengur lyklar í almennu skápunum, heldur átti maður að koma með lás með sér – þeir vilja bara tryggja að geta læst veskin sín inni í skáp án þess að burðast með hengilás að heiman.“
Ari spyr mjög gildrar spurningar í einni athugasemdinni; „Af hverju ekki bara sama skápakerfi og í Laugardalnum?“