2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Missti næstum því af Valentínusarglaðningnum

Litlu munaði að Kim Kardashian hefði misst af Valentínusarglaðningnum sem Kanye West planaði fyrir hana.

Rapparinn Kanye West tók Valentínusardaginn alla leið og fékk saxófón-snillinginn Kenny G til að spila fyrir eiginkonu sína, Kim Kardashian West, í stofunni þeirra í tilefni dagsins. Mikið hefur verið fjallað um þennan glaðning Kanye í fjölmiðlum síðan og margt fólk hefur velt fyrir sér hversu lengi Kenny G hafi þurft að bíða eftir að Kim kom heim.

Í gær greindi Kim frá því að litlu hefði munað að hún hefði misst af Kenny G vegna þess að hún var á hlaupum og var að verða sein í skóla dóttur sinnar þar sem hún sinnti sjálfboðastarfi.

„Ég var á hlaupum vegna þess að ég tók að mér að vera bekkjarmamman í skóla dóttur minnar á Valentínusardeginum,“ sagði Kim í samtali við Extra.

En allt slapp þetta fyrir horn því að Kanye rétt náði að kalla á hana draga hana inn í stofu. Þar stóð Kenny G og spilaði ljúfa tóna, umkringdur rósum.

AUGLÝSING


„Ég sá allar þessar rósir og Kenny G í stofunni minni, það var svo flott og einstakt.“

Kenny sjálfur hefur einnig tjáð sig um málið en hann var himinlifandi með viðbrögð Kim. „Ég byrjaði að spila áður en ég kom auga á hana. Hún var að koma fyrir hornið og Kanye gaf mér merki. Og ég byrjaði að spila,“ útskýrði hann. „Hún vissi ekki hvernig hún átti að haga sér í smá stund. Svo tók hún upp símann, það var frábært.“

Ekki fylgdi sögunni hversu lengi Kenny þurfti að bíða þar til Kim lét sjá sig.

Ekki missa af þessum

Annað áhugavert efni

Nýjast á Mannlíf.is