Það var mjög mikill erill hjá slökkviliði höfuðborgarsvæðisins síðasta sólarhringinn.
Alls sinnti slökkvilið sinnti hundrað fimmtíu og fimm flutningum þennan sólarhringinn; þar af voru tuttugu og sjö forgangsútköll og fimmtíu og sex flutningar vegna Covid-19. Að sögn slökkviliðsins telst þetta vera mikil fjöldi fyrir helgi.
Eins og þetta hafi ekki verið nóg þá þurfti slökkvilið líka að sinna tveimur útköllum á dælubílum.
En þeir hjá slökkviliðinu eru brattir og vanir og sjá hið bjarta í tilverunni;
„Góðan daginn. Afar erilsamur sólarhringur að baki hjá okkur. Björgun úr bílflökum er eitt af hlutverkum okkar hjá SHS og til þess notum við afar öflug verkfæri. Hér á meðfylgjandi mynd má sjá slökkviliðsmann nota eitt slíkt til að fjarlægja hurð af bíl og er það stundum gert til að bæta aðgengi að slösuðum einstaklingum. Eigið annars góðan sunnudag og farið varlega þarna úti.“