Viðvörunarstig vegna Grímsvatna hefur verið hækkað úr gulum lit í appelsínugulan fyrir alþjóðaflug. Veðurstofa Ísland breytti litunum klukkan níu í morgun eftir hringu jarðskjálfta í eldstöðinni.
Stærsti jarðskjálftinn mældist 3,6 stig en hann varð klukkan 17 mínútur gengin í sjö í morgun. Í kjölfarið fylgdu svo tíu skjálftar milli klukkan sex og átta.
„Þetta virðast ekki vera ísskjálftar heldur í eldstöðinni sjálfri,“ sagði Einar Bessi Gestsson, jarðvársérfræðingur á Veðurstofunni í samtali við Vísi. Ekki hefur gosórófi þó sést enn á mælum. „En við erum með augun límd á Grímsvötnum.“
Fyrir utan Grímsvötn eru tvær aðrar eldstöðvar á Íslandi litamerktar umfram eðlilegt ástand, í augnablikinu. Eru það Fagradalsfjall á Reykjanesi og Askja fyrir austan sem báðar eru í gulum lit.