- Auglýsing -
Athafnamanninum Antoni Kristni Þórarinssyni hefur verið sleppt úr haldi lögreglunnar á höfuðborgarsvæðinu en hann úrskurðaður í fjögurra vikna farbann. Hann hafði áður setið í tveggja vikna gærsluvarðhaldi vegna rannsóknarinnar á hinu hrottalega morði á Armando Bequiri í Rauðagerði um miðjan febrúar.
Vegna málsins var Litháenskum karlmanni einnig sleppt úr haldi lögreglu en skipaður í átta daga farbann vegna rannsóknarinnar. Talið er að lengd farbanns þessara tveggja manna, Antons annars vegar og Litháans hins vegar, skýrist af stöðu þeirra í málinu. Lögreglan á höfuðborgarsvæðinu segir að rannsókn málsins miði vel.
Enn eru fimm í haldi vegna morðrannsóknarinnar. Gæsluvarðhald yfir fjórum þeirra rennur út á morgun og einn verður í haldi fram á föstudag. Lögreglan hefur gefið það út að farið verði fram á áframhaldandi gæsluvarðhald yfir þremur þeirra.