Föstudagur 29. mars, 2024
-3.2 C
Reykjavik

Morgunblaðið hrósar umdeildri grein Sigmundar Davíðs

VefTv

- Auglýsing -

Hlaðvörp

- Auglýsing -

Skoðanapistli formanns Miðflokksins, sem birtist í Morgunblaðinu á laugardag, er hrósað í leiðara blaðsins.

„Sig­mund­ur Davíð Gunn­laugs­son, formaður Miðflokks­ins, fjallaði um mik­il­vægt mál­efni hér í blaðinu á laug­ar­dag í grein sem hann nefndi Sum­arið 2020 og nýja menn­ing­ar­bylt­ing­in. Í grein­inni rakti hann vax­andi áhrif póli­tísks rétt­trúnaðar og þöggunartilburða sem sjást víða um þess­ar mund­ir,“ segir í leiðara Morgunblaðsins, þar sem tekið er undir ýmislegt sem fram kemur í umræddum skoðanapistli Sigmundar Davíð Gunnlaugssonar formanns Miðflokksins. Fyrirsögn leiðarans er Frelsinu ógnað.

Í pistli Sigmundar Davíðs, sem er að finna í Morgunblaðinu á laugardag, fjallar formaður Miðflokksins um skaðleg áhrif pólitísks rétttrúnaðar og segir meðal annars hreyfinguna Black Lives Matter vera öfgahreyfingu sem elur á kynþáttahyggju. Skrif Sigmundar Davíðs vöktu mikla athygli og á samfélagsmiðlum hrósuði sumir skrifunum á meðan aðrir fordæmdu þau, meðal annars fyrir þá sök að lítilsvirða réttindabaráttu svarts fólks í Bandaríkjunum.

Leiðarahöfundur Morgunblaðsins er á annarri skoðun og tekur sérstaklega undir með þeirri skoðun Sigmundar Davíðs að mikilvægt sé að standa vörð um einstaklingsfrelsið. „Þetta eru afar mikilvæg sjónarmið sem allir þeir sem styðja frelsi einstaklingsins, þar með talið tjáningarfrelsið, hljóta að vilja standa vörð um. Í því sambandi er gott að hafa í huga orð Edmunds Burkes: „Það eina sem þarf til að illskan vinni sigur er að góðir menn aðhafist ekkert“.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -