- Auglýsing -
Fréttagúrúinn Bogi Ágústsson póstar afar skemmtilegri mynd sem hann er á; sannkallað listaverk; eins og Bogi sjálfur er í augum margra Íslendinga; táknmynd fyrir heiðarleika, gegnsæi og virðingu, enda hefur maðurinn fært okkur fréttir í marga áratugi og engan bilbug á honum að finna.
Meira að segja Elli kerling bítur ekkert á sjarmatröllið Boga, sem er alltaf smart; á skjánum, í hversdagsleikanum og sérstaklega á myndum; málverkum, ljósmyndum og allra handa listaverkum – Bogi er lifandi listaverk.
Gefum honum orðið:
„Mynd eftir Styrmi Örn Guðmundsson á listahátíðinni Head 2 head í Aþenu,“ skrifar Bogi og bætir við:
„Hún er samstarfsverkefni íslenskra og grískra listamanna.“
Samstarfsverkefnið tókst vel enda er það Bogi sem bindur myndina saman þannig að hún verður einskonar táknmynd fyrir festu, öryggi, traust og hlýju: Þætti sem einkenna þjóðargersemina Boga Ágústsson.