2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Mynd dagsins: „Fyrsta umsókn um lagningu strengs komin. Hætta á að hann festist í veiðarfærum skipa“

Orkupakki 3 er umræðuefni sem margoft hefur ratað í fréttir og samfélagsumræðuna undanfarnar vikur þó að margir viti ekkert hvað felst í umræðuefninu fyrir utan nafn þess.

Atkvæðagreiðsla fór fram á Alþingi í gær og var tillagan samþykkt með 46 atkvæðum gegn 13.

Sjá einnig: Þorgerður Katrín trufluð í ræðustóli: „Þetta eru landráð!“

Jóhann Vignir Gunnarsson slær á létta strengi á Facebook-síðu sinni og segir fyrstu umsókn um lagningu strengs komna.

„Það eru bara liðnar nokkrar klukkustundir frá því að Orkupakki 3 var samþykktur á Alþingi, og er fyrsta umsókn um lagningu strengs milli Íslands og Bretlands (með viðkomu í Færeyjum) strax komin fram. Eigandi strengjaframleiðandans Victo Riassecret hefur óskað eftir því að fá að leggja svokallaðan G-Streng milli landanna. Aðspurður segir hann að það verði létt og þægilegt verk, strengurinn verði þunnur og fari lítið fyrir honum. Einhver hætta er þó að strengurinn festist í veiðarfærum skipa. Því verði að koma í veg fyrir að skip á veiðum fari inn fyrir svokallaða bicini-línu með veiðarfæri sín.“

AUGLÝSING


Færslan hefur vakið mikla kátínu meðal vina Jóhanns. „Mig grunar að einhverjir hafi haldið við fyrsta lestur að þetta hafi verið alvöru frétt,“ segir Jóhann í samtali við Mannlíf.

Til að fyrirbyggja allan misskilning er rétt að taka fram að hér er einungis um grín að ræða, að minnsta kosti í bili.

 

Ekki missa af þessum

Annað áhugavert efni

Nýjast á Mannlíf.is