Sólveig Anna Jónsdóttir, formaður Eflingar, á mynd dagsins en hana birti verkalýðsforinginn á Facebook-síðu sinni í gær. Myndina teiknaði hún á unga aldri og sýnir hún vel hversu snemma krókurinn beygðist hjá Sólveigu.
Teikningin er af fjölda fólks í kröfugöngu þar sem krafan var einföld, sömu laun fyrir alla. Sólveig birti eftirfarandi texta með myndinni:
„Þessa mynd hefur mamma mín geymt. Kröfukánka og krafan einfaldlega þessi: Sömu laun. Ég hef, tæpum fjórum áratugum seinna, lítið uppfært kröfuna. Hef einfaldan smekk, vel aðeins það besta,“ segir Sólveig.