Fimmtudagur 28. mars, 2024
0.8 C
Reykjavik

„Myndin er sannkallaður löðrungur í andlit þolenda kynferðisofbeldis“

VefTv

- Auglýsing -

Hlaðvörp

- Auglýsing -

Í hverri viku birtir Mannlíf nokkur vel valin ummæli vikunnar…

„Er ekki komið nóg af klúðursmálum í borginni varðandi dýrar byggingar og vandræði í rekstri þeirra? Ætla borgaryfirvöld að fórna einhverju verðmætasta græna landi borgarinnar og ófyrirséðum fjármunum vegna skammsýni og hugmyndaleysis?“

Rut Káradóttir arkitekt. Tilefni ummælanna eru áform um að byggja um 4.500 fermetra hvelfingu í Elliðaárdal.

„Hvenær linnir þessu tilfinningaklámi? Hvenær fáum við að vera í friði hér úti á þessari eyju í Dumbshafi og höfum aldrei gert neinum neitt mein?“

Hannes Hólmsteinn Gissurarson, prófessor við Háskóla Íslands, er aldeilis ekki sáttur við að brottvísun íranska trans drengsins Maní Shahidi og fjölskyldu hans skuli hafa verið frestað.

„Stjórnvöld sýna enga miskunn. Nú hefur fjölskyldu Maní verið tilkynnt um brottvísun um leið og drengurinn gengur út af barna- og unglingageðdeild. Ég fordæmi þessa meðferð á barni í brýnni neyð. Engin miskunn, engin mannúð, enginn skilningur. Svei ykkur.“

- Auglýsing -

Helga Vala Helgadóttir, þingmaður Samfylkingar.

„Auðvitað ekki hægt að bæta fyrir brot sem þegar er framið.“

Líf Magneudóttir, borgarfulltrúi Vinstri grænna, telur ekki að lög hafi verið brotin í Braggamálinu, þótt því sé haldið fram í niðurstöðu skýrslu borgarskjalavarðar.

- Auglýsing -

„Ríkisvaldið hyggst ekki bæta við peningum í Jöfnunarsjóð sveitarfélaga til að fjármagna stóra sameiningarátakið sitt. Sveitarfélögin skulu borga sjálf fyrir sameiningarnar. Þeir 15 milljarðar sem veifað var í andlitið á sveitarfélögunum til að þau leggðu stuðning sinn við gjörninginn var alltaf blekking.“

Baldur Smári Einarsson, forseti bæjarstjórnar Bolungarvíkurkaupstaðar. Tilefni ummælanna er drög Sigurðar Inga Jóhannssonar, samgöngu- og sveitastjórnarráðherra, að frumvarpi sem miðar að því að lögfesta lágmarksíbúafjölda sveitarfélaga við 1000 manns. Í Bolungarvíkurkaupstað búa um 960 manns, sem uppfyllir ekki þann íbúafjölda.

„Þú ert ekki bara að veita upplýsingar um þig, heldur þína, sem gætu komið þínum illa síðar.“

Helga Þórisdóttir, forstjóri Persónuverndar, hvetur fólk, sem tekur þátt í persónuleikaprófi Íslenskrar erfðagreiningar, til að hugsa sig tvisvar um áður en það deilir niðurstöðunum á samfélagsmiðlum.

„Myndin er sannkallaður löðrungur í andlit þolenda kynferðisofbeldis. Aðra eins upphafningu nauðgunarmenningar er varla hægt að bera á borð.“

Hópur kvenna sendir frá sér harðorða yfirlýsingu vegna sýningar á kvikmyndinni Elle á RÚV á sunnudagskvöld.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -