2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Nýja svefnherbergið verður 87 fermetrar

Svefnherbergið í endurnýjuðu húsi Drake verður ekkert grín.

Kanadíski tónlistarmaðurinn Drake er sagður standa í stórræðum þessa dagana en hann er að láta endurnýja 3.250 fermetra hús fyrir sig í Toronto, Kanada. Húsið keypti hann fyrir nokkrum árum á upphæð sem nemur um 500 milljónum króna og hefur síðan þá verið að láta gera það upp.

Samkvæmt heimildum TMZ verður nýja svefnherbergi hússins miðpunktur fasteignarinnar, heilir 87 fermetrar. Samkvæmt teikningum af húsinu mun svefnherbergið innihalda meðal annars eldhúskrók, stórt baðherbergi og tvö fataherbergi. Það verður á annarri hæð hússins og útgengt verður á tvær svalir, á svölunum verður heitur pottur og gufubað.

Fyrir utan þetta stórfenglega svefnherbergi verða einnig fjögur gestaherbergi að finna í endurnýjaða húsinu. Einnig gufubað, nuddstofa, bílskúr sem rúmar tíu bíla, líkamsræktarstöð og á lóðinni verður körfuboltavöllur svo eitthvað sé nefnt.

Ekki missa af þessum

Annað áhugavert efni

Nýjast á Mannlíf.is