Ólafur nokkur segir farir sínar ekki sléttar í viðskiptum við Mosfellsbakarí. Hann telur sig hreinlega svikinn eftir að hafa keypt svokallaðan Skinkukubb þar sem litla sem enga skinku var að finna að hans mati.
Ólafur segir frá óánægju sinni inni í hópnum Matartips! á Facebook og fær þar mikil viðbrögð. Flest þeirra eru á þann veg að þetta sé sorglegt vörusvindl. „Ég fór áðan og keypti “Skinkukubb” í Mosfellsbakarí, þetta er öll skinkan sem er í kubbnum, af hverju heitir þetta skinkukubbur þegar það er nánast engin skinka í?? #HvarErSkinkan,“ spyr Ólafur.
Elsa Ólafsdóttir er ein þeirra sem tekur til máls í þræðinum. „Þetta er líka svona hjá Bakarameistaranum. Ekkert varið í þetta. Mæli með crosant hjá Olís, þar er heil skinka og mikill ostur,“ segir Elsa.
Berglind Bjartmarsdóttir segir þetta típísk íslensk vinnubrögð. „Afþví þetta er smurt með skinkusmyrju. Týpískt íslenskt. Það er yfirleitt croissant sem er með heilli skinku. Bara best að spyrja áður en maður kaupir,“ segir Berglind.
Ágústu Gunnlaugsdóttur finnst þetta dapurlegt. „Dapurlegt þegar neytandinn skiptir ekki máli. þurfa að átta sig á að við getum látið vita þegar verið er að bjóða rusl,“ segir Ágúst.