Margir fögnuðu í gær þegar það var tilkynnt að sundlaugar myndu opna á ný. Þær hafa verið lokaðar um alllangt skeið vegna COVID.
Ólína Þorvarðardóttir, fyrrverandi alþingiskona, segist á Facebook ekki ætla að vera meðal fyrstu gesta. Sumir munu ef til vill hugsa sig tvisvar um, líkt og hún.
„Ég er að hugsa um þetta með sundlaugarnar. Að mæta ásamt fjölda fólks (allt að 350 manns) í sundlaugarnar og stinga sér ofan í vatnið þar sem hugsanlega smitað fólk er líka að svamla, blása frá sér og svitna í sama vatnið og leikur um mig … fara svo í pottinn þar sem fólk svitnar enn meira og andar út í gufuna hugsanlegum kórónuveirum … þetta er ekki lekker tilhugsun,“ segir Ólína og bætir við að lokum:
„Ég ætla að bíða með þetta.“