Fimmtudagur 2. desember, 2021
2.8 C
Reykjavik

Ólöf segir þjóðþekktan mann hafa lamið vændiskonu: „Ég þurfti að slá stjörnurykið úr augunum“

Helgarviðtalið

- Auglýsing -

Orðrómur

- Auglýsing -

Ólöf Tara Harðardóttir einkaþjálfari hefur fengið gjörsamlega nóg af þeirri þöggun sem ríkir þegar kemur að kynferðisofbeldi gagnvart konum hér á landi. Á Instagram fjallar hún um þjóðþekktan einstakling í story, sem nýverið hafi keypt sér kynlífsþjónustu og gengið í skrokk á konunni. Samkvæmt heimildum Mannlífs var sá þjóðþekkti handtekinn á staðnum og færður í varðhald. Atvikið átti sér stað fyrir um það bil tveimur vikum síðan.

Í nýlegri færslu á Instagram gerir Ólöf Tara þetta atvik að umtalsefni og gagnrýnir fjölmiðla fyrir að taka þátt í þögguninni. Hún spyr hvort enginn þeirra hafi bein í nefinu til að fjalla um þjóðþekkta ofbeldismenn. Í samtali við Mannlíf vill hún ekki nafngreina hinn þjóðþekkta einstakling en samkvæmt lýsingum er viðkomandi afar viðkunnanlegur og með stóran fylgjendahóp á samfélagsmiðlum.

„Ég þurfti að slá stjörnurykið úr augunum á mér þegar ég heyrði af þessu fyrst. Það skiptir mig hins vegar engu máli hvort þetta hafi verið þjóðþekktur einstaklingur eða lítt þekktur. Þó klám og vændi séu ekki hluti af OnlyFans umræðunni þá er mikilvægt að setja andlit á ofbeldi. Þú getur nefnilega verið alveg ótrúlega fokking næs en samt beitt ofbeldi,“ segir Ólöf og bætir við:

„Við eigum ekki að skrímslavæða ofbeldismenn en megum ekki láta það gerast að leyfa þeim að komast upp með þetta í þögninni. Þetta er ekki í fyrsta sinn sem viðkomandi beitir ofbeldi eða óviðeigandi hegðun gagnvart konum. Meðan hann getur gert þetta í þögninni og komist upp með það heldur hann áfram og finnur sér bara nýtt fórnarlamb.“

Ólöf Tara ítrekar að ofbeldismenn beri það ekki alltaf utan á sér og það geti allir beitt ofbeldi. „Þeir sem beita ofbeldi líti ekkert út á einn eða annan hátt það geti allir beitt ofbeldi sama hvernig þeir líta út. Ofbeldismaður getur verið næs, getur verið nágranninn þinn sem er alltaf að hjálpa þér. Ástæðan fyrir að fjölmiðlar fjalla ekki um þetta er líklega því viðkomandi er alltaf að drekka með þeim kaffi latte,“ segir Ólöf.

Fjölmargir fagna færslu Ólafar og taka undir hversu mikilvæg umræðan er. Samfélagsmiðlastjarnan Brynja Dan er ein þeirra en hún vill heldur ekki nafngreina manninn. „Það eru margir að spyrja mig hver þetta er. Þetta er á allra vörum. Það vita þetta allir, allir að ræða þetta. Einhvern veginn þorir enginn að stíga fram og varpa ljósi á þetta opinberlega. Ofbeldi er óafsakanlegt, alltaf.

- Auglýsing -

Uppfært: Sölvi Tryggvason fjölmiðlamaður hefur stigið fram og upplýst í yfirlýsingu að hann sé ekki umræddur fjölmiðlamaður.

Sölvi ritar færslu á Instagram þar sem hann neitar því að hafa verið hinn ónafngreindi þjóðþekkti einstaklingur og birti þess til stuðnings mynd úr miðlægum gagnagrunni lögreglunnar sem sýni að hann hafi ekki verið handtekinn vegna málsins.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -