Þriðjudagur 19. mars, 2024
1.8 C
Reykjavik

Ómar Ragnarsson alls ekki sáttur: „Á þessum og fleiri firrum byggir hann þá niðurstöðu“

VefTv

- Auglýsing -

Hlaðvörp

- Auglýsing -

Ómar Ragnarsson skrifar á bloggsíðu sinni í dag pistil þar sem hann svarar grein Jónasar Elíassonar um komandi orkuskipti sem birtist í Morgunblaðinu nýlega.

Segir Ómar að Jónas byrji grein sína á þeirri fullyrðingu að „nær ekkert hafi hlýnað á Íslandi á síðustu hundrað árum.“ Ómar segir á: „þessu og fleiri firrum byggir hann síðan þá niðurstöðu að við eigum ekki einasta að hverfa frá fyrirætlunum um orkuskipti, heldur að auka hlut stóriðjunnar hér á landi.“

Ómar segir að ekki þurfi annað en að líta á nánast samfellda og stórfellda rýrnun jökla á Íslandi í rúma öld, „til að sjá að fullyrðing Jónasar og fleiri um að loftslag fari jafnvel kólnandi hér á landi er alröng, en þessi ranga fullyrðing veldur því hins vegar að þessi höfuð forsenda greinar hans kippir fótunum undan henni.“ Enn fremur segir hann að þessi grein Jónasar bæti við aðrar svipaðar greinar Morgunblaðsins undanfarið sem hafa átt að sýna fram á að loftslag á Íslandi fari jafnvel kólnandi.

„Framundan er tími, sem markar endalok svonefndrar olíualdar, þegar rányrkja jarðefnaeldsneytis mun gera orkuskipti óumflýjanleg.“

Að lokum segir Ómar að Jónas krefjist þess í greininni að öll orkuskiptin verði látin lenda á þeim þjóðum heimsins sem „sem hafa hingað til farið varhluta af notkun jarðefnaeldsneytis og sýnir slík krafa vel hve mikil einsýni liggur að baki kröfunni um að Íslendingar og aðrar „þróaðar“ þjóðir fái að halda rányrkjunni áfram.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -