Í gær greindi Mannlíf frá því að Ómar R. Valdimarsson lögmaður væri allt annað en sáttur með móttökurnar á Icelandair Hotels á Egilsstöðum. En þar var dóttur hans boðið upp á dýnu úr garðstól til að sofa á. Spurði Ómar hvort að þetta væri boðlegt gestum hótelsins.
Sjá einnig: Ómar ósáttur með Icelandair Hotels: „Er þetta boðlegt?“
Eftir tvær nætur á hótelinu skilur Ómar hins vegar sáttur við.
„Dama sem heitir Sólborg í gestamóttökunni kom til mín og baðst afsökunar á þessum vandræðum og var öll hin elskulegasta. Þannig að ég skil sáttur,“ segir Ómar hress í bragði við Mannlíf, en fjölskyldan hefur nú yfirgefið hótelið.
Þess má geta að blaðamaður Mannlífs hringdi í hótelið nú í morgun og ræddi við starfsmann þess sem sagðist ekki tjá sig um mál einstakra viðskiptavina.