Söngvarinn Páll Óskar Hjálmtýsson deilir á Facebook-síðu sinni myndum af sjálfum sér hálfnöktum. Myndir höfðu verið í dreifingu en ljóst er að Páll hefur orðiðð fyrir hefndarklámi. Hann segir fávita hafa dreift myndunum út um allt sem sendar voru í trúnaði.
Páll skrifar á Facebook: „Já, gott fólk. Svona lít ég út. Fávitinn, sem ég sendi þessar myndir í trúnaði á Grindr og er nú að dreifa þeim út um allt – til að fá mig til að skammast mín fyrir að hafa líkama og lifa kynlífi – er rúmlega 30 árum of seinn! Njótið vel Þar að auki varðar ósamþykkt dreifing á persónulegum myndum við lög, sem voru samþykkt á Alþingi nú 17. Feb 2021. Skjáskot af þessum nyju lögum fylgir,“ skrifar Páll og birtir myndirnar hér fyrir neðan.
Að lokum kemur myllumerkja runa sem segir sína sögu: „#noshame #enginskömm #fávitar #fáðujá #samþykki #myndinafmér #netglæpur #ofbeldi #stafræntkynferðisofbeldi #sjúkást #égámigsjálfur #égereinsogéger #ogþegiðisvo“
