• Orðrómur

Pétur Orri sendir út neyðarkall – SÖFNUN – Varð öryrki eftir líkamsárás

Efnisorð

Deila

- Auglýsing -

Pétur Orri Gíslason sendi neyðarbeiðni inni á Facebookhóp Sósíalistaflokks Íslands en hann er öryrki og einstæður faðir. Pétur Orri er einn af þeim sem ekki nær endum saman á Íslandi en vegna ofgreiðslu örorkubóta árið 2020 fær hann ekki nema 200.000. kr á mánuði frá og með 1. september 2021. Áður fékk hann 245.000. kr og gat með herkjum látið það duga. Blaðamaður Mannlífs hafði samband við hann og fékk að heyra sögu hans.

En svo breyttist allt

Pétur Orri, faðir og öryrki, er 37 ára í dag en fyrir nokkrum árum var hann eins og hann orðar sjálfur „bara voðalega venjulegur Íslendingur.“ Hann hafi unnið mikið og ef hann vantaði pening, vann hann bara meira. En svo breyttist allt. „Ég var niðrí bæ í Reykjavík og var að skemmta mér. Eftir gott kvöld úti á lífinu ákvað ég að bregða mér í 10-11 að kaupa mér eitthvað til þess að taka með mér heim. Ég hef varla stigið inn í 10-11 að maður vindur sér upp að mér og án orðasamskipta veitir mér bylmingshögg í höfuðið.“ Pétur Orri, sem ekki átti von á árásinni, limpast niður við höggið og rotaðist. Hann lá svo í dái á Landspítalanum í viku eftir árásina. Við tók langur tími endurhæfingar en Pétur Orri hlaut varanlegan heilaskaða við árásina og óvinnufær með öllu.

- Auglýsing -

Barátta um örorkubætur

Í samtali sínu við Mannlíf segir Pétur Orri að við hafi tekið „svo mikil barátta að koma mér á örorkubætur. Þvílíkt völundarhús og hringir sem ég átti svo eftir að fara í gegnum til þess að komast á örorkubætur hjá TR (Tryggingastofnun Ríkisins).“ Segist Pétur Orri að á þessum tíma hafi hann oft ekki haft hugmynd um hvaðan hann ætti að hafa tekjur næstu mánaðarmót. „En svo komst ég loksins á Reykjalund sem er algjör paradís og þar fékk ég félagsráðgjafa sem bjargaði mér. Hún hjálpaði mér að komast á örorkubætur með miklum herkjum en það hafðist loksins,“ segir Pétur Orri

Staðan í dag 

- Auglýsing -

Pétur Orri segist venjulega hafa verið að fá 245.000. kr inn á reikning sinn frá TR þar til 1. september síðastliðinn. Þá fékk hann aðeins 200.000. kr með þeirri útskýringu að hann hefði fengið ofgreiddar bætur síðasta ár og nú eigi að taka af bótunum næstu 12 mánuðina. „Það getur enginn lifað sómasamlegu lífi á svona lágum bótum. Þegar ég hafði greitt leigu og nánast alla mína reikninga þá átti ég 4.500 kr eftir. Það lifir enginn af því!“ segir Pétur Orri og bætir við „Lífið er mikið basl núna en stutt í kosningar og ég vona að fólk kjósi breytingar því það þarf að laga þetta kerfi. Þessar upphæðir eru langt undir framfærsluviðmiðum ríkisins!“ Pétur Orri vonast til að fólk geti styrkt hann á þessum erfiðu tímum, þörfin sé til staðar. Að lokum segir hann „ég óska öðrum öryrkjum alls hins besta í lífsbaráttu þeirra. Ég óska engum þess að verða svo ólánsamur að verða öryrki.“

Hér eru bankaupplýsingar og kennitala Péturs Orra:

Kennitala: 090184-2969
Reikningsnúmer: 0323-26-090184

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Mest lesið í vikunni

- Auglýsing -