Play í loftið 24. júní

Efnisorð

Deila

- Auglýsing -

Hið nýja íslenska lággjaldaflugfélag Play fer í loftið 24. júní næstkomandi, ef marka má heimildir Morgunblaðsins sem greinir frá. Félagið mun itlkynna á næstunni hver sé fyrsti áfangastaður félagsins.

Í byrjun næsta mánaðar er gert ráð fyrir því að flugfélagið fái flugrekstarleyfi og verða þrjár A321-NEO vélar skráðar hjá félaginu í upphafi. Nýverið birti Play lista yfir stærstu hluthafana eftir að félagið lauk hlutafjárútboði þar sem hátt á sjötta milljarð króna safnaðist.

Stærstu hluthafarnir eru Fea, eignarhaldsfélag Skúla Skúlasonar, Birta lífeyrissjóður og Fiskisund, sem Einar Örn Ólafsson fjárfestir fer fyrir.

- Auglýsing -

Mikill happafengur

Elías Skúli Skúlason, stjórnarformaður og einn eigenda flugþjónustufyrirtækisins Airport Associates, varð aðaleigandi Play-flugfélagsins eftir að brúarlánum hans til félagsins verður breytt í hlutafé í fyrra. Flugfélagið hefur ítrekað frestað því að fara í loftið og hefur kórónuveirufaraldurinn gert hinu nýja félagi erfitt fyrir að koma áætlun sinni á fót.

Eigendur og stofnendur Play flugfélagsins voru fjórir í upphafi. Arnar Már Magnússon forstjóri, Sveinn Ingi Steinþórsson fjármálastjóri, Þóroddur Ari Þóroddsson meðeigandi og Bogi, yfirmaður lögfræðisviðs. Skúli fjármagnaði rekstur Play á síðasta ári sem nam á bilinu 40-50 milljónir króna á mánuði með 40 starfsmenn sem vinna að því að komast í háloftin.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -