Lögreglunni barst tilkynning skömmu fyrir klukkan níu í gærkvöld vegna grunsamlegra mannaferða á hóteli. Maðurinn var ekki gestur á hótelinu og við öryggisleit fundust fíkniefni í forum hans. Skýrsla var tekin af manninum en að því loknu var hann látinn laus.
Síðar um nóttina, eða klukkan hálf tvö var tilkynnt um slagsmál á hóteli í hverfi 105. Tvær ungar konur höfðu slegist og voru þær báðar handteknar grunaðar um vöruslu fíkniefna, þjófnað og líkamsárás. Konurnar voru báðar frjálsar ferða sinna eftir skýrslutöku.
Þá barst lögreglu tilkynning um eld í ruslagámi í laugardal. Slökkvilið mætti á vettvang og slökkti í glæðunum.
Lögregla hafði afskipti af manni í verslunarmiðstöð í Breiðholti í gærkvöld. Sá hafði verið grunaður um þjófnað en þegar betur var að gáð kom í ljós að maðurinn reyndist eftirlýstur af lögreglu og var handtekinn.
Það var ekki það eina sem átti sér stað í Breiðholti í gærkvöld en mætti lögregla á vettvang vegna leka í íbúð í hverfinu. Húsráðandi mætti einnig á vettvang en kom í ljós að ræktun fíkniefna var í íbúðinni. Búnaður og fíkniefni var handlagt og húsráðandi handtekinn meðan rannsókn fór fram, var hann laus að skýrslutöku lokinni.