2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Rænd á meðan hún fagnaði heimsmeistaratitlinum

Brotist var inn á hótelherbergi einnar af stjörnum bandaríska liðsins í fótbolta á sama tíma og hún fagnaði heimsmeistaratitlinum með liðsfélögum sínum.

Bandarísku konurnar fengu höfðinglegar móttökur við komuna frá Frakklandi og hófust hátíðarhöldin í New York þar sem borgarstjórinn, Bill de Blasio, afhenti þeim lykil að borginni, heiðursvott fyrir frábæra frammistöðu. Þaðan hélt liðið til Los Angeles þar sem frekari veisluhöld biðu.

Á sama tíma og liðið fagnaði í Los Angeles var brotist inn á hótelherbergi miðjumannsins Allie Long og persónulegum munum í hennar eigu stolið. Þar á meðal voru giftingarhringur hennar, reiðufé og lykillinn sem borgarstjórinn í New York hafði afhent henni fyrr um daginn. Blessunarlega fyrir Long komst þjófurinn ekki yfir verðlaunapeninginn frá HM.

Af Twitter færslu Long að dæma virðist hún einna helst sakna lykilsins að New York og spyr hún de Blasio hvort nokkur möguleiki sé að fá annan slíkan.

AUGLÝSING


 

Ekki missa af þessum

Annað áhugavert efni

Nýjast á Mannlíf.is