• Orðrómur

Ragnhildur tekst á við Covid-19 af hörku: „Það hefur enginn tíma í að liggja í bælinu“

Efnisorð

Deila

- Auglýsing -

Ragnhildur Þórðardóttir, eða Ragga Nagli eins og hún er kölluð, klínískur heilsusálfræðingur, berst nú við Covid-19 á heimili sínu í Danmörku. Veikindin skullu á hana af hörku þannig að hreystimennið þarf nú að taka á honum stóra sínum.

Ragnhildur greinir frá veikindunum í færslu á Facebook. Þar segir hún:

„Kórónaveiran fer greinilega ekki í manngreinarálit og tók sér bólfestu í Naglanum sem hefur státað sig gegnum tíðina af að vera annálað hreystimenni sem fær varla hor í nös.En þrátt fyrir slavíska grímunotkun, óhóflegan handþvott, stöðuga sprittun, tveggja metra reglu, olnbogaskot og félagslega einangrun þá dúndraði Rónan sér inn með hausverk, háan hita, beinverki og slappleika.“

- Auglýsing -

Ragnhildur segir að sem betur fer hafi hún haldið lyktar- og bragðskyni í veikindunum. Hún vonast til að komast sem fyrst aftur til fyrri iðju. „Krossum fingur að Naglinn taki þetta á kassann, og hristi kvikindið af sér sem allra fyrst. Því það hefur enginn tíma í að liggja í bælinu þegar þarf að sinna skjólstæðingum, rífa í járn og njóta vorblíðunnar í pilsi og sandölum. Svo liggja stangir og lóð í kjallaranum sem örugglega sakna þess að vera ekki brúkuð daglega. Allavega saknar Naglinn þeirra,“ segir Ragnhildur.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -