Flesta munar um að missa 80 þúsund krónur. Þetta blasir við þeim sem ekki enn hafa komið því í verk að skipta út nagladekkjum þetta árið.
Síðastliðin fimmtudag hóf lögreglan skipulagða leit að bifreiðum sem enn hafa ekki skipt um nagladekk. Reglum samkvæmt eru þau bönnuð frá 15. apríl til 31. október nema að sérstakar aðstæður komi til. Lögreglan hefur almennt ekki gripið til sektarákvæða fyrr en um en um og yfir miðjan maímánuð en þessa dagana er hart tekið á notkun nagladekkja.
Letin við dekkjaskiptin geta sett verulega dæld í veski landsmanna. Fyrir þremur árum hækkaði sekt fyrir hvert nagladekk úr fimm þúsund krónum og upp í tuttugu þúsund krónur. Sem gerir hvorki meira né minna en áttatíu þúsund krónur fyrir bíl sem er með nagladekk á öllum.
Vill lögreglan því hvetja ökumenn til að skipta strax af nagladekkjum til að forða þeim frá háum sektum enda sé Suðvesturhornið orðið öruggt til sumardekkjanotkunar og því sektarbeiting réttmæt.
Svo nú er um að gera að drífa sig í bóka tíma í dekkjaskiptingu fyrir þá sem hafa dregið lappirnar.