Mánudagur 6. desember, 2021
1.8 C
Reykjavik

Reiði vegna árásar á Helga Seljan: „Sá sem skrifar eins og Páll gerir gengur ekki heill til skógar“

Helgarviðtalið

- Auglýsing -

Orðrómur

- Auglýsing -

„Mér finnst ég þurfa að gera Pál Vilhjálmsson að umtalsefni. Ég þekki hann ekki og bið fólk að velja honum ekki einhver hroðaleg orð, því út úr því kemur ekkert nema einhver hroði. En hann fór sem sé yfir velsæmismörk í bloggi sínu um Helga Seljan,“ skrifar Guðmundur Andri Thorsson, fráfarandi alþingismaður, um Pál Vilhjálmsson, kennara við Fjölbrautaskólann í Garðabæ í pistil sínum á Facebook í gær.
Þar segir hann Pál hafa gengið fram af fólki í bloggfærslu sinni um Helga Seljan.
Bloggfærslan sem um ræðir ber titilinn „Helgi Seljan játar sig geðveikan“ og hefur vakið hörð viðbrögð. Í blogginu segir meðal annars:
„Geðveikur Helgi skipuleggur í áravís skandal hægri vinstri, skáldar ef ekki vill betur til. Sá geðveiki fær fullt umboð yfirstjórnar RÚV til að flytja áróður klæddan í búning frétta.“

Guðmundur Andri segir að um pistilinn sé svo sem ekkert að segja. Hann sé lágkúrulegur skætingur.

„En mér finnst Páll þó vera í senn eins og sjúkdómsmerki og fórnarlamb vissra siða í opinberri umræðu. Hann telur það vera markmið í sjálfu sér að ganga fram af fólki, og virðist líta svo á að hann hafi náð einhvers konar árangri þegar honum hefur tekist að vekja hneysklun; hann hafi skorað stig. Netmiðlar ýta undir viðhorf af þessu tagi; daglegar fréttir eru skrifaðar af því að A „drulli yfir“ B sem svari fullum hálsi.
Útkoman er ekki umræða heldur hávaði. Átakakúltúr. Mikilvægara virðist talið að ögra en  greina; að særa frekar en upplýsa, hneyksla frekar en hrífa. Niðurstaðan af þessu öllu eru pistlar á borð við þann sem hér er gerður að umtalsefni.“

Fjölmargir hafa skrifað athugasemd við færsluna og lýst yfir hneykslun sinni á Páli. Meðal þeirra er Sigursteinn Másson kvikmyndagerðarmaður sem skrifar:
„Kleppur er víða. Sá sem skrifar svona eins og þessi Páll gerir gengur ekki heill til skógar. Svo einfalt er það.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -