Dagur B. Eggertsson borgarstjóri tilkynnti rétt í þessu að það hafi verið samþykkt í dag að borginn kaupi húsnæði Adam og Evu við Kleppsveg. Borgin ætlar þó ekki að halda áfram rekstrinum.
„Borgarráð samþykkti á fundi sínum í morgun að kaupa hús. Ekki svo óalgengt en ég man ekki til þess að við höfum áður keypt hjálpartækjaverslun. Húsnæði Adams og Evu er nú okkar,“ segir Dagur á Twitter.
Hann segir markmiðið að fegra þetta svæði. „Reyndar keyptum við húsnæði arkitektastofunnar við hliðina líka. Planið er andlitslyfting þessa gamla hverfiskjarna við Kleppsveg og innrétting nýs 120 barna leikskóla – fyrir Laugardal og hina nýju Vogabyggð. Sannarlega margar flugur í einu höggi,“segir Dagur.