- Auglýsing -
Ríkissaksóknari hefur ákveðið að áfrýja niðurstöðu Héraðsdóms Reykjavíkur í Rauðagerðismálinu svokallaða. Krefst saksóknari þyngri refsingar yfir Angjelin Sterkaj og að hinir þrír sakborningarnar, sem sýknaðir voru í héraði, verði sakfelldir.
Þetta staðfestir Sigríður Friðjónsdóttir ríkissaksóknari í svari til fréttastofu Vísis.
Angjelin játaði að hafa myrt Armando Beqirai á heimili hans í Rauðagerði í febrúar á þessu ári og var hann dæmdur í 16 ára fangelsi fyrir morðið. Hafði ákæruvaldið krafist 16 til 20 ára fangelsisdómi yfir honum.
Þau Claudia Sofia Coelho Carvalho, Murat Selivrada og Shpetim Qerimi sem einnig voru ákærð í málinu fyrir hlutdeild í morðinu, voru sýknuð í héraði.