Samanlagt fylgi stjórnarflokkanna er aðeins 43 prósent samkvæmt könnun sem Prósent gerði fyrir Fréttablaðið. Sjálfstæðisflokkurinn mælist með hvað mest fylgi eða um 20 prósent og er stærsti flokkur landsins. Þetta er langt undir kjörfylgi Sjálfstæðisflokksins og vísbending um að uppstokkun gæti orðið innan flokksins.
Samfylkingin er næst á eftir sjálfstæðisflokknum með 14,7 prósent fylgi.
Píratar mældust með um 13 prósent og Framsóknarflokkurinn 12,2 prósent.
Ljóst er samkvæmt þessu að Sjálfstæðisflokkurinn hefur tapað rúmu prósenti frá síðustu könnun Prósents.
Fylgi Viðreisnar er með 9,3 prósent, Sósíalistar með 6,9 prósent og Miðflokkurinn með 6,6 prósent og réttir þar með aðeins úr kútnum. Lægsta nælist Flokkur fólksins en fylgi þeirra um 5,2 prósent.
Þess má geta að Flokkur fólksins hefur mælst með hærra fylgi í könnunum að undanförnu en hefur nú tapað fylgi. Þessi könnun fer engan veginn saman við könnun MMR sem birtist í gær og var gerð á sama tíma. Þar voru Sjálfstæðisflokkur og Flokkur fólksins í uppsveiflu.