Nokkuð rólegt var hjá lögreglunni á höfuðborgarsvæðinu í nótt. Eitthvað var um það að svartdrukknu fólki var keyrt heim eða leyft að sofa úr sér í fangaklefa. Þá var tilkynnt um grunsamlegar mannaferðir en sást til manna í miðbænum, gangandi á milli bíla og kíkjandi inn um rúðurnar. Þegar lögreglan kom á svæðið voru þeir á bak og burt.
Þá var brotist inn í verslun í miðbænum en ekki vitað hverju var stolið. Tvær tilkynningar bárust um gróðureld, í Vesturbænum og í Mosfellsbæ en þeir eldar voru minniháttar og létt að slökkva í þeim. Einnig var kveikt í ruslagámi í hverfi Kópavoginum en slökkviliði var kallað til og slökktu þeir eldinn.
Í Grundahverfinu var svo tilkynnt um umferðaslys en ökumaðurinn reyndist undir áhrifum áfengis. Eftir stutta heimsókn á bráðamóttöku þar sem maðurinn var skoðaður, var hann fluttur í fangaklefa.