Föstudagur 23. september, 2022
6.8 C
Reykjavik

Rósa Björk vill engar fréttir af andlátinu – Varaformaður flokksins orðlaus: „Bara ha ?“

Helgarviðtalið

- Auglýsing -

Orðrómur

- Auglýsing -

Rósa Björk Brynjólfsdóttir, þingkona Samfylkingarinnar, virðist ofbjóða varaformanni flokksins með orðum sínum á Femínistaspjallinu. Hún var kjörin á þing sem þingmaður VG en gekk til liðs við Samfylkingu nýverið. Rósa sækist eftir því að leiða lista flokksins í Suðvesturkjördæmi í komandi kosningum.

Rósa skrifar innlegg í Femínistaspjallið í gær þar sem hún hvetur alla til að skrifa kvörtunarbréf til þeirra fjölmiðla sem greina frá andláti Larry Flynt, stofnanda klámblaðsins Hustler, en Rósa segir slíka frétt ekki eiga erindi fyrir almenning. RÚV, Vísir og MBL fjölluðu allir um andlát Flynt.

Rósa skrifar: „Hérna, af hverju í ósköpunum eru íslenskir fjölmiðlar að flytja fréttir af dauða einhvers karls sem hagnaðist á líkama kvenna og sölu á klámi ?? Hvaða erindi á þetta við okkur nema að upphefja klám – og nauðgunarkúltur ? Hvet öll til að senda kvörtunarbréf á þá íslensku fjölmiðla sem hafa birt fréttir af dauða þessa manns.“

Ein sú fyrsta til að skrifa athugasemd við færsluna er Heiða Björg Hilmisdóttir, varaformaður Samfylkingarinnar, sem skrifar: „Bara ha ?“. Uppstillingarnefnd Samfylkingarinnar hefur ekki endanlega lokið störfum en Heiða sagði skyndilega undir lok þess ferlis að hún hefði áhuga á að fara úr borgarstjórn og leiða lista Samfylkingarinnar. Óljóst er hvort hún fari því fram fyrir Rósu eða bjóði sig fram í Reykjavík.

Heiða Björg er ekki eina stjórnmálakonan sem tjáir sig í þræðinum. Guðrún Ágústa Þórdísardóttir, varaþingmaður Pírata, skrifar til dæmis: „Það sem þú ert að hvetja til er ritskoðun. Sem er frekar hlálegt í ljósi þess að Larry Flynt barðist hart fyrir tjáningar og ritfrelsi. Ég veit heldur ekki hverjir ættu að taka að sér að vega og meta hvaða dánarfréttir eru þóknanlegar.“

Alexandra Briem, varaborgarfulltrúi flokksins, skrifar svo: „Ég held ekki að það sé beint línulegt samband milli fréttnæmi dauða einhvers og mati á siðferði viðkomandi. Það getur líka verið fréttnæmt ef frægt fólk sem er slæmt, eða mitt á milli, deyr.“

- Auglýsing -

Rósa tók ekki þátt í umræðu við færslunna.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -