• Orðrómur

Rostungur heimsótti íbúa Hafnar í Hornafirði

Helgarviðtalið

- Auglýsing -

Orðrómur

- Auglýsing -

Rostungar eru sjaldséð sjón við Íslandsstrendur en í gær trúðu íbúar Hafnar í Hornafirði vart sínum eigin augum er þau sáu rostung sem hafði komið sér fyrir á bryggju í bænum.

Að meðaltali sjást rostungar á um tíu ára fresti við Ísland svo að gesturinn á bryggjunni var svo sannarlega óvænt sjón. Rostungar lifa á svæðum þar sem ís er að finna og því er Ísland að öllum líkindum of hlýr staður fyrir þá.
,,Þá séu rostungar, líkt og hvítabirnir, háðir ísnum í norðurhöfum og bráðnun hans geti hrakið þá á flakk.‘‘ Segir í viðtali við Ævar Petersen, dýrafræðing árið 2013, en það sumar sáust að minnsta kosti sex rostungar sem var mjög óvanalegt.

Töluverður fjöldi fólks hafði safnast saman niður á bryggju í gærkvöldi til þess að sjá rostunginn, sem kippti sér ekki upp við áhorfendurnar.
Þá lágu fiskar í kringum rostunginn en óvíst er hvort að rostungurinn sé í raun svo mikil veiðikló eða hvort bæjarbúar hafi boðið hann velkominn og fært honum fisk um leið.

Rostungurinn var enn á höfninni seint í gærkvöldi og var hinn rólegasti.

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -