„Verslunin okkar í Skeifunni er sú fyrsta á höfuðborgarsvæðinu sem fær nýtt útlit frá JYSK og við erum að endurnýja flest allt sem snýr að upplifun viðskiptavinarins. Í framhaldi af yfirhalningu Skeifunnar komum við til með að taka fleiri verslanir í gegn á höfuðborgarsvæðinu, þannig að viðskiptavinir okkar fái sambærilega upplifun í öllum okkar verslunum. Starfsfólk okkar hefur unnið hörðum höndum að því síðastliðnar vikur að gera verslunina sem glæsilegasta og við hlökkum til að taka á móti viðskiptavinum okkar. Við verðum með frábær opnunartilboð alla helgina og einnig verður 20% afsláttur af öllum vörum. Við gefum nokkur gjafakort daglega frá fimmtudegi til sunnudags og fyrstu 25 viðskiptavinirnir fá veglegan gjafapoka,“ segir Rósa Dögg Jónsdóttir markaðsstjóri Rúmfatalagersins.
Rúmfatalagerinn opnar glæsilega og endurbætta verslun sína í Skeifunni, fimmtudaginn 30. mars. Verslunin hefur verið starfrækt í Skeifunni síðan árið 1989 en hefur nú fengið allsherjar yfirhalningu sem byggir á nýju útliti frá JYSK. Mikið er lagt upp úr upplifun viðskiptavinarins og búið er að skipta út gólfefnum, setja upp nýtt hillukerfi og uppstillingar ásamt nýrri lýsingu. Breytingarnar gefa versluninni nýjan blæ og veita viðskiptavinum innblástur og ferskar hugmyndir fyrir heimilið. Rúmfatalagerinn rekur sjö verslanir í heildina og er verslunin í Skeifunni þriðja verslun keðjunnar sem að byggir á nýju útliti JYSK. Ráðist verður í frekari endurbætur á fleiri verslunum í kjölfarið sem samræmast nýja útlitinu.