„Það eina sem við getum gert er að þrýsta eftirspurninni niður,“ sagði Ásgeir Jónsson, seðlabankastjóri, í viðtali við Dagmál sem birtist í dag. Segir hann aðgerðirnar óyndisllegar og bætir við að enn sé verið að reyna að pína fólk til þess að bíða þar til framboðið sé komið.
Viðtalið er nokkuð ítarlegt og segir Ásgeir Seðlabankann tilbúinn til þess að grípa til meiri stýrivaxtahækkana til þess að ná tökum á verðbólgunni. Stýrivextir voru hækkaðir í gær um eitt prósent og eru því vextir nú orðnir 4,75%. Sagði hann hækkunina ekki óvinsamlega aðgerð gegn almenningi. Þvert á móti væri hún til þess að verja kaupmátt auk þess að vera jákvætt framlag í kjarasamningagerð haustsins. Þá sagðist hann vonast til að aðgerðir bankans kæmu ekki til með að vera svo harkalegar að það leiddi til atvinnuleysis.