Það var hressileg umræða varðandi íslenska karlalandsliðið í fótbolta í þættinum Íþróttavikan Með Benna Bó sem er á dagskrá Hringbrautar á föstudögum.
Í fréttum vikunnar kom fram í dagsljósið að Arnar Þór Viðarsson landsliðsþjálfari, væri að reyna að fá Hólmar Eyjólfsson til að snúa aftur í landsliðið; einnig kom fram að Aron Einar Gunnarsson fyrrum landsliðsfyrirliði gæti snúið aftur: En landsliðið spilar 4 leiki í sumar:
Landsliðsþjálfarinn Arnar Þór býr í Belgíu og fram kom í þætinum að hann hefur ekki mætt á marga leiki, ef einhverja leiki, í Bestu deildinni í sumar.
Benedikt Bóas er fyrrum leikmaður Vals og fylgist vel með málum á Hlíðarenda; hefur mætt á flesta leiki liðsins í sumar. Og gestur þáttarins, Hörður Snævar Jónsson íþróttastjóri Torgs er öllum hnútum kunnugur í íslenska fótboltanum: Hann sagði:
„Arnar Þór er væntanlega með aðgang að öllum leikjum, og ég geri ráð fyrir, og geri einfaldlega kröfu um það að landsliðsþjálfarinn fylgist vel með. Hann ætti alveg að skoða Damir Muminovic sem hefur ekki stigið feilspor eins og Hólmar í sumar.“