Sunnudagur 4. desember, 2022
-2.2 C
Reykjavik

Segir SA biðja fólk um að velja á milli þess að ýta undir útbreiðslu veirunnar eða verða fyrir tekjumissi

Helgarviðtalið

- Auglýsing -

Orðrómur

- Auglýsing -

Verkalýðsfélögin og Samtök atvinnulífsins (SA) eru ekki á sama máli um hvort vinnuveitendum beri skilda til að greiða starfsfólki sínu sem þarf að sæta sóttkví vegna COVID-19 laun á meðan á sóttkví stendur. Um 300 manns eru í sóttkví hér á landi.

Davíð Þorláksson, forstöðumaður samkeppnishæfnissviðs hjá SA, sagði í viðtali við Reykjavík síðdegis að einungis þeir sem væru sýktir af veirunni ættu veikindarétt samkvæmt lögum og kjarasamningum. Davíð sagði ekki það sama gilda um þá sem eru í sóttkví en ekki veikir.

Ragnar Þór Ingólfsson, formaður VR, segir yfirlýsingar SA vera glórulausar. Hann skrifar færslu um málið á Facebook.

„Ég fordæmi glórulausar og vanhugsaðar yfirlýsingar SA og tilmæli þeirra til aðildarfélaga sinna að fyrirtækjum beri ekki skylda að greiða fólki laun ef það er sett í sóttkví. Einnig fyrir þá túlkun að bera stöðuna saman við að fólk sé frá vinnu vegna ófærðar,” skrifar Ragnar. Hann segir yfirlýsingar SA vera óábyrgar og segir þær geta skapað hættu og óvissu.

Ragnar telur SA vera með þessu að segja fólki að velja á milli þess að ýta undir útbreiðslu veirunnar eða tekjumissi.

„Með þessu eru SA að segja fólki að velja á milli möguleika á útbreiðslu hættulegrar veiru eða tekjumissi. Sem aftur getur sett samfélagið í enn meiri óvissu en orðið er og í enn meiri hættu, sem og stöðu fyrirtækja sem hljóta að eiga mikið undir eins og samfélagið allt að útbreiðsla sé heft eins og kostur er,“ skrifar hann meðal annars.

- Auglýsing -

Ragnar vill að SA dragi yfirlýsingu sína til baka.

Í lok færslunnar segir Ragnar að lögmenn VR og ASÍ hafi farið vandlega yfir réttarstöðu þeirra sem eru í sóttkví vegna COVID-19 veirunnar.

„Niðurstaðan er eftirfarandi. Launafólk sem sett er í sóttkví eða sem gert er að læknisráði að halda sig heima við og umgangast ekki vinnufélaga eða annað fólk í umhverfi sínu vegna þess það sé annað af tvennu sýkt af COVID-19 eða sé hugsanlegir smitberar hans, er að mati VR og ASÍ óvinnufært vegna sjúkdóms eða vegna hættu á því að verða óvinnufært vegna hans. Þau forföll eru greiðsluskyld skv. ákvæðum kjarasamninga og laga.”

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -