Jacqueline Gudgeirsson hjúkrunarfræðingur segir í færslu á Facebook sem hefur vakið athygli að það sé ekki eðlilegt að konur þurfi að bíða margar vikur eftir niðurstöðu frá sýnatöku. Jacqueline deilir myndinni hér fyrir neðan og skrifar:
„Ég er nú mjög sjaldan að posta mynd af sjálfu mér. En eins og á þessari mynd svona liður mér. Sumir af vinum mínum vita af því. Ég bíð og bíð eftir niðurstöðu frá þriðju sýnatöku úr leghálsspeglun. Fyrst fór ég í reglulega krabbameinsskimun þann 1. október í fyrra. Sama dag var líka brjóstmyndataka. Sem ég fékk fljótlega svar úr og er er í lagi.“
Henni var svo sagt að fara í aðra rannsókn. „Svo gengu nokkrar vikur í land. Eftir miðjan nóvember fékk ég tölvupóst sem benti mér á að skoða is.postur. Þar var mér skrifað að sýni var ekki eðlilegt. Og ég eigi að fara í aðra rannsókn. Sem ég fór í þann 16. desember. Læknir og starfsfólk á Akureyri tóku mjög vel á móti mér. Ég var sjálfsagt smá kviðin og í uppnámi. En ég róaðist strax eftir fyrstu mínúturnar.“
Hún segir eiginmann sinn hafa reynt að fá upplýsingar og þó hann sé læknir hafi það gengið illla. „Að forvitni spurði ég hvenær væri hægt að fá svör. Nú….þetta tekur nokkrar vikur. Sýnið verður nú sent til Danmerkur. Ég fekk svar 22. febrúar. Aftur ekki í lagi…ég er með HPV- Veiru. Þann 8. mars fór ég hér á Egilsstöðum í næstu skoðun og sýnatöku…beint til kvennsjúkdomalæknis. Í dag eyddi maðurinn minn sem er læknir tveimur og hálfum klukkutíma í símtöl til að fá einhverjar upplýsingar varðandi sýnatöku og niðurstöðu. Við vitum bara, að það var aftur sent til Danmerkur en ekki hvert.“
Hún segir þetta ástand ekki líðandi. „Þetta er óþolandi ástand og þessi ákvörðun frá heilbrigðisráðherra er skref til fornaldar. Við íslenskar konur eigum skilið betri þjónustu. Krabbameinsfélagið hefur gert svo mikið fyrir betri forvarnir og ríkisstjórn er að eyðileggja allt. Ég er reið og kviðinn og ráðlaus. Þið megið endilega deila þessu því að við þurfum að breyta þessu ástandi. Deilið vinsamlegast…er búinn að gera þetta opinbært. Það eru fleiri konur að bíða og í sama ástand.“