Séra Egill Hallgrímsson var bráðkvaddur á heimili sínu aðeins tæplega 66 ára að aldri. Andlát hans bar að þann 9. júní. Egill var sóknarprestur í Skálholti og naut virðingar og vinsælda vegna starfa sinna. Hann fæddist í Reykjavík 11. júní 1955.
Faðir Egils var Hallgrímur Egilsson garðyrkjubóndi á Grímsstöðum í Hveragerði og móðir hans var Sigurlaug Guðmundsdóttir. Egill lætur eftir sig eiginkonu og tvö börn. Kona hans Ólafía Sigurjónsdóttir er hjúkrunarfræðingur og börnin tvö eru Sóley Linda fædd 1989 og Hallgrím Davíð fæddur 1993.
Séra Egill útskrifaðist sem stúdent frá Menntaskólanum við Hamrahlíð 1976. Hann hóf nám í sálarfræði en snéri sér svo að guðfræðinni. Sr. Egill var vígður til prests þann 12. maí 1991 til Skagastrandarprestakalls og þjónaði þar til 1997 en hóf að þjóna Skálholtsprestakalli 1998 og þjónaði hann þar til dánardags.