„Aðsóknin er mun meiri núna en í fyrra,“ sagði Áslaug Arndal, hjá Hjálparstarfi kirkjunnar, í samtali við Fréttablaðið. Í ár hafa hátt í þrjú hundruð börn fegið efnislega aðstoð hjá samtökunum samanborið við um 200 börn í fyrra. Flestir þeirra sem leita til Hjálparstarfs kirkjunnar vantar útiföt og skólatöskur fyrir veturinn. Áslaug segir fólk hafa verið duglegt að kma með slíkan varning til þeirra svo að þrátt fyrir mikla aðsókn eiga þau nóg fyrir alla.
„Það er dásamlegt hvernig fólk hefur brugðist við og aðsóknin er það mikil að við munum hafa opið aftur á föstudaginn,“ sagði Áslaug. Þá þurfi allir sem leiti til Hjálparstarfsins að veita ákveðnar persónuuplýsingar. Margir sem leita til þeirra nú í ár hafa komið áður og því þekkja þau aðstæður þeirra. Stór hluti fólksins sem hefur komið undanfarið er flóttafólk frá Úkraínu. ,,Fólk þarf að sýna okkur fram á að börnin sem um ræðir séu þeirra börn og þar fram eftir götunum.“ Bætir hún við að nokkrir hafi verið að drífa sig. Svo komu líka margir hingað í flýti og tóku ekki allt sitt dót með, eins og skólatösku og vetrarföt.“
Viðtalið má lesa í heild á vef Fréttablaðsins.