Fimmtudagur 28. mars, 2024
3.8 C
Reykjavik

Sigga fékk nóg í Leifstöð: „Er enginn með snefil af viti sem vinnur hérna!?!“

VefTv

- Auglýsing -

Hlaðvörp

- Auglýsing -

Iðnhönnuðnum Siggu Heimis brá heldur betur í brún þegar hún fór í gegnum Flugstöð Leifs Eiríkssonar nýverið. Örtröðin var hvílík að henni leist alls ekki á blikuna.

Vinnu sinnar vegna ferðast Sigga töluvert og hefur því talsverða reynslu af ástandi flugvalla í faraldrinum. Henni blöskraði svo á Keflavíkurflugvelli að hún ritaði af því tilefni færslu á Facebook:

„KEF hefur slegið allt út. Verri ringulreið hef ég ekki séð á flugvöllum í Bangladesh né Indlandi. Er enginn með snefil af viti sem vinnur hérna!?! Kveðja, Karen.“

Fjölmargir vinir Siggu taka undir með henni og lýsa slæmri upplifun af komu þeirra í flugstöðina íslensku síðustu daga. Helga Jósepsdóttir er ein þeirra:

„Sammála… ég hef aldrei lent í meira rugli á þvælingi um heiminn heldur en þegar ég kom til Íslands um daginn! Biðum í marga klukkutíma og það var einn (mjög ungur) starfsmaður að filtera ALLT folkið, úr fleiri fleiri flugvélum… greyið unglingurinn, hann var ekki öfundsverður, og enginn annar kom á neinum tímapunkti að reyna að bjarga málunum eitthvað aðeins.“

Saga Jónsdóttir virðist líka hafa sömu upplifun. „Vá hvað ég er sammála. Á undanförnum 6 vikum er ég búin að fara til Mílanó, Barselóna og Kaupmannahafnar. Engar biðraðir, ekkert vesen við komu og brottför. Alltaf vesen við komu til Íslands, beið í a.m.k. klukkutíma í biðröð við komu til landsins í nótt til að sýna þennan kóða í sal troðnum af fólki. -talandi um smithættu…“ segir Saga.

Helga Valfells telur þetta ekki boðlegt. „Fáránlegt Leifsstöð sprungin – eina skiptið í utanlandsferð inni sem að maður óttaðist að smitast af Covid, segir Helga. Helena Sveinsdóttir er sammála. „Algjör kæfa!!! Og svo er komusalurinn fullur af fólki að sækja þar að auki!,“ segir Helena.

- Auglýsing -

Páll Sævar Guðjónsson, sem oftast er kallaður „Röddin“ en hann er vallarþulur Laugardalsvallar, tjáði sig líka undir færsluna og birti þar myndir sem hann tók af örtröðinni í Leifsstöð. Við myndirnar segir Páll:

„Þetta er galið.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -