Óhætt er að segja Sigmundi Davíð Gunnlaugssyni, formanni Miðflokksins, er mikið niðri fyrir vegna banns á plastpokum. Í stöðufærslu á Facebook óttast hann hvar þetta endar. Þar dregur hann upp dökka framtíðarsýn þar sem Legó er bannað meðan dóp sé löglegt.
Sigmundur skrifar á Facebook: „Í málefnaskrám ríkisstjórnarinnar birtust áform um að banna plast (þegar framkvæmd) og leyfa fíkniefni. Hversu langt ætli sé þar til við heyrum svona frétt?,“ spyr Sigmundur og deilir svo frétt úr framtíðinni:
„Maður var handtekinn í Leifsstöð í dag með talsvert magn fíkniefna í plastpokum sem hann hafði falið í kassa utan af Legókubbum.
Við yfirheyrslu kvaðst maðurinn hafa hent Legókubbunum.
Í samstarfi við hollensku lögregluna er nú unnið að því að hafa upp á kubbunum en þeir eru að mestu framleiddir úr plastefninu ABS (acrylonitrile butadiene styrene).
Að lokinni yfirheyrslu var manninum sleppt með fíkniefnin en pokarnir sendir til rannsóknar hjá rannsóknardeild umhverfislögreglunnar.”