Bæjaryfirvöld Garðabæjar hafa gefið leyfi fyrir allt að 1.500 fermetra byggingu norðan við Vífilsstaðavatn. Þar mun koma til með að rísa bálstofa og húsnæði sem hugsað er fyrir tilefni eins og skírnir og hjónavígslur. Á annarri hæð byggingarinnar verður hugleiðslurými með útsýni til fjalla og hafs.
Tré lífsins ses. er að baki framkvæmdanna sem eru fyrirhugaðar.
Minningagarður verður næsta nágrenni við bygginguna en þar mun fólk koma til með að geta setja ösku ástvina í moldina og gróðursett tré um leið. Hvert tré mun fá rafræna merkingu á minningasíðu og tré mun svo vaxa við grafreit þess látna.
Sigríður Bylgja Sigurjónsdóttir er stofnandi og forsvarsmaður Trés lífsins. Í viðtali við Morgunblaðið segir hún hugmyndir þeirra langt komnar í ferlinu.
„Hugmyndir okkar um starfsemi og mannvirki eru komnar í gegnum bæði aðal- og deiliskipulag í Garðabæ svo við höldum ótrauð áfram,“
Líkbrennsluofn verður í húsinu.
„Við höfum fylgst með þróun þessara mála og heimsótt eina bálstofu í Hollandi. Við munum geta annað þeirri miklu fjölgun bálfara sem fyrirséð er á næstu árum og áratugum. Líklega tökum við við hlutverki bálstofunnar í Fossvogi sem er orðin gömul og lúin, enda hefur hún verið í starfsemi síðan árið 1948. Á ofninum okkar verður líka fullkominn mengunarvarna- og hreinsibúnaður til að fyrirbyggja alla mengun,“ segir Sigríður Bylgja.
Lagabreytingar þurfu að eiga sér stað til þess að gera megi minningagarð.
„Við höfum verið í sambandi við dómsmálaráðuneytið vegna þessara mála og bíðum nú eftir samþykki sýslumanns til að taka næstu skref í verkefninu. Yfirvöld í Garðabæ hafa tekið mjög vel í verkefnið og eru greinilega mjög framsýn í þróun þessara mála,“ segir Sigríður Bylgja. Áframhald undirbúnings nú velti á því hvenær öll tilskilin leyfi séu í hendi, en vænst sé að bygging og minningagarður verði tilbúin eftir þrjú til fimm ár. Segir Sigríður að lokum.