• Orðrómur

Sigrún og Guðlaugur létust með 3 daga millibili: „Ljúfsárt í ljósi þess hversu sam­rýnd þau voru“

Efnisorð

Deila

- Auglýsing -

Það getur stundið verið skammt stóra högga á milli í lífinu eins og í tilviki hjónanna Sigrúnar Ágústsdóttur og Guðlaugs Óskarssonar, útgerðarhjóna frá Grindavík.

Sigrún Ágústs­dótt­ir sem fædd­ist í Grinda­vík árið 1936 lést á Land­spít­al­an­um í Foss­vogi 2. júní síðastliðnum. Aðeins þremur dögum síðar lést eiginmaður hennar, Guðlaug­ur Óskars­son sem fædd­ist á Sigluf­irði 7. júní árið 1935, á sama spít­al­a þann 5. júní 2021. Þau áttu fjögur börn.

Yngsta dóttir þeirra hjóna minnist foreldra sinna með hlýju í minningargrein í Morgunblaðinu. Það segir hún þau vart mátt sjá hvort af öðru alla tíð, svo samtaka hafi þau verið í öllu því sem þau tóku sér fyrir hendur. „Það var vissu­lega mikið högg að missa for­eldra sína með þriggja daga milli­bili en líka ljúfsárt í ljósi þess hversu sam­rýnd og sam­taka hjón þau höfðu alltaf verið. Þau voru ein­fald­lega góðar mann­eskj­ur og mikl­ar fyr­ir­mynd­ir. Elsku mamma og pabbi, takk fyr­ir allt. Við eig­um eft­ir að sakna ykk­ar mikið en erum glöð að þið séuð sam­an og treyst­um því að þið séuð að gera eitt­hvað skemmti­legt sam­an.“

- Auglýsing -

Tengdasonur Sigrúnar og Guðlaugs leggur einnig áherslu á samtakamátt hjónanna í minningargrein sem undirstrikast með að þau hafi kvatt þetta jarðríki svo til á sama tíma. „Tengda­for­eldr­ar mín­ir voru ein­stak­ar per­són­ur sem gott var að um­gang­ast. Ég veit að þið eruð nú sam­an að njóta þess sem sá staður hef­ur upp á að bjóða. Kannski eruð þið að spila golf eða á skíðum en alla­vega veit ég að þið eruð að gera þann stað betri með góðvild ykk­ar og vænt­umþykju.“

Mannlíf vottar aðstandendum hjónanna samúð.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -