Miðvikudagur 27. mars, 2024
0.8 C
Reykjavik

Sigurbjörg syrgir dóttur sína – Reynheiður lést 35 ára – Lætur eftir sig tvö lítil börn

VefTv

- Auglýsing -

Hlaðvörp

- Auglýsing -

„Það er stórt skarð sem hefur verið höggvið í líf okkar fjölskyldunnar,“ segir Sigurbjörg Gunnarsdóttir sem síðastliðinn mánudag bar dóttur sína, Reynheiði, til grafar. Hún lést úr krabbameini aðeins 15 mánuðum eftir að faðir hennar, Guðmundur Arnarsson, lést úr sama sjúkdómi. Sigurbjörg hefur því misst bæði eiginmann og dóttur á rúmu ári.

Sigurbjörg segir Reynheiði dóttur sína hafa lýst upp umhverfið með fallegu brosi sínu. Hún var einungis 35 ára að aldri er hún lést. Mynd / Aðsend

„Bæði maðurinn minn og dóttir hafa þurft að lúta í lægra haldi fyrir krabbameini,“ segir Sigurbjörg. Guðmundur lést 16. maí 2019 þá rétt nýorðinn sextugur að aldri. Aðeins rúmum tveimur mánuðum síðar greindist Reynheiður Þóra með ólæknandi leghálskrabbamein. „Við tóku strangir og erfiðir tímar í geisla- og lyfjameðferðum,“ segir Sigurbjörg sem minnist þeirra beggja með miklum hlýhug.

„Guðmundur fór ungur til sjós og mótaði þar hugmynd karlmannsins. Hann tileinkaði sér hrjúft yfirbragð en undir skelinni var hann skilningsríkur, ósérhlífinn og trúr vinum sínum,“ segir Sigurbjörg er hún minnist eiginmannsins sáluga.

Það var Sigurbjörgu eðlilega gífurlegt áfall þegar Reynheiður greindist með krabbamein svo skömmu eftir andlát Guðmundar. Hún lést 22. ágúst og lætur eftir sig eiginmann og tvö lítil börn, 4 og 7 ára gömul. „Reynheiður var einungis 35 ára er hún lést. Það fór aldrei mikið fyrir Reynheiði, hún hafði hæverskt og ljúft yfirbragð en undir því reyndist nagli sem stóð fast á sínu og vissi hvað hún vildi. Mikill er missir eiginmanns og tveggja ungra barna. Minningin um fallega brosið hennar sem lýsti upp umhverfið hvar sem hún var gleymist seint,“ segir Sigurbjörg.

Reynheiður greindist með krabbamein rúmum tveimur mánuðum eftir að faðir hennar lést úr sjúkdómnum. Hún var jarðsungin á mánudaginn. Mynd / Aðsend

Sigurbjörg hefur stofnað styrktarreikning til aðstoðar fjölskyldu Reynheiðar dóttur sinnar. Þar gildir að margt smátt gerir eitt stórt og hér getur þú hjálpað fjölskyldunni:

Reikningur: 0545-14-3644

- Auglýsing -

Kennitala: 030963-4909

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -