Miðvikudagur 27. mars, 2024
-1.2 C
Reykjavik

Sigurður G.: „Forsetaparið lét sér í léttu rúmi liggja þó ráðsmaðurinn hafi beitt konu ofbeldi“

VefTv

- Auglýsing -

Hlaðvörp

- Auglýsing -

Stjörnulögmaðurinn Sigurður G. Guðjónsson lætur móðan mása á Facebook-síðu sinni og að þessu sinni tekur hann fyrir Guðna Th. Jóhannesson, forseta Íslands og eiginkonu hans, Elízu Reid:

„Forsetaparið tók virkan þátt í því að tryggja ráðsmanni sínum áframhaldandi starf á Bessastöðum. Parið lét sér í léttu rúmi liggja þó ráðsmaðurinn hafi beitt unga konu ofbeldi og hún hrakist úr starfi sem hún naut. Ætli parið hafi fylgst með líðan hennar og afkomu eftir að hún hrökklaðist úr starfi?“ spyr Sigurður og bætir við:

„Forsetaparið lét sem vind um eyru þjóta athugasemdir staðarhaldarans á Bessastöðum þegar það upplýsti um endurkomu ráðsmannsins; ráðsmannsins sem beitt hafði staðarhaldarann og konu hans ofbeldi í Parísarferð, og sýnt af sér sérkennilega háttsemi utan við hús hjónanna á Bessastöðum.

Ráðsmaðurinn fékk að sönnu áminningu; fór í leyfi og kom svo aftur til starfa eins og ekkert væri, þar sem forsetaparið fann sig ekki í því að segja ráðsmanninum upp vegna hagsmuna fjölskyldu hans.“

Hann segir að „forsetaparinu var sama um hagsmuni staðarhaldarans og fjölskyldu hans. Þau voru jú bara þolendur ofbeldis! Hverjir voru þessir hagsmunir fjölskyldu gerandans sem parinu var svo mikið í mun að vernda? Var það rekstur eiginkonu ráðsmannsins frá heimili þeirra á Bessastöðum á ferðaþjónustu fyrir ferðamenn einkum frá Kína?

Var það kannski eitthvað annað sem komið hafði upp á Bessastöðum og ekki þoldi dagsins ljós?“

- Auglýsing -

Spurningar Sigurðar eru stórar og greinilegt að hann telur að forsetahjónin hafi óhreint mjöl í pokahorninu:

„Getur verið að ráðsmaðurinn hafi haft vitneskju um ólögmæta háttsemi embættismanns í starfsliði forseta? Getur verið að embættismaðurinn hafi látið ráðsmanninn afhenda sér til eigin afnota vín í eigu forsetaembættisins? Slík háttsemi kann að vera refsivert auðgunarbrot, ef sönn er. Getur verið að forsetinn hafi haft spurnir af víntöku úr kjallaranum og því ákveðið fórna staðarhaldara í stað ráðsmanns í þeirri von að aldrei yrði spurt um ólögmæta meðferð á víni embættisins?“

Og að lokum, þetta:

- Auglýsing -

„Nú er spurt var vín tekið með ólögmætum hætti úr vínkjallara Bessastaða og vissi forsetinn um það? Réttlætið á Bessastöðum virkar fremur sem ranglæti og gerendameðvirkni forsetaparsins þykir ekki fréttnæm! Merkilegt nokk!“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -