Hinn eini sanni Simmi Vil – Sigmar Vilhjálmsson – sem er eigandi Minigarðsins, stjórnarmaður Atvinnufjelagsins og líka stjórnandi hlaðvarpsins 70 mínútur, hefur ákveðið að selja hús sitt sem stendur við Kvíslartungu 60 í Mosfellsbæ.
„Húsið mitt fór í sölu í dag. Get vottað gríðarlega góða nágranna og einstaklega fjölskylduvænt umhverfi,“ ritaði Sigmar í færslu á Facebook-síðu sinni.
Verðið er 149,5 milljónir króna.
Kemur fram að eign Simma er sex herbergja endaraðhús á tveimur hæðum og var það byggt árið 2008; með bílskúr sem og gufuhúsi.
Í garði er að finna heitan og kaldan pott; og eignin skiptist í neðri hæð, forstofu, bílskúr, gestasnyrtingu, eldhús, stofu/borðstofu og auðvitað sjónvarpsstofu.
Efri hæðin býður upp á hjónaherbergi með fataherbergi; þrjú barnaherbergi, baðherbergi og fínasta þvottahús.