Komið er á daginn að sinueldurinn í Straumsvík kviknaði eftir að ungmenni í skólaferð á vegum Menntaskólans í Kópavogi fóru óvarlega með eld.
Það var mbl.is sem greindi fyrst frá.
Segir Guðríður Eldey Arnardóttir skólameistari MK kennara og aðra í hópnum hafa brugðist rétt við; reyndu að hefta útbreiðslu eldsins og höfðu samband við slökkvilið strax.
Mjög hratt breiddist úr eldinum, enda var mjög þurrt á svæðinu og búið að vera undanfarin misseri; því afar mikill eldsmatur í gróðrinum.
Kemur fram að hópurinn var á ferð í fjörunni í nágrenninu að leita að einhverju til að nota til eldamennsku; afurðirnar átti síðan að taka með í skólann til matreiðslu, og var ekki hluti af kennslunni að elda það á staðnum.
Segir Guðríður að ungmennin hafi einfaldlega ekki áttað sig á aðstæðum.