Föstudagur 26. apríl, 2024
9.1 C
Reykjavik
Senda ábendingu
VefTv
Hlaðvörp
Fréttir

Sirrý biðlar til stjórnmálafólks: „Hversu mikið er hægt að leggja á eina konu?“

Björgvin Gunnarsson
Björgvin Gunnarsson
Sirrý Arnardóttir Ljósmynd: sirry.is - skjáskot

VefTv

- Auglýsing -

Hlaðvörp

- Auglýsing -

Sirrý Arnardóttir, kennari og fjölmiðlakona skrifaði færslu á Facebook-vegg sínum í dag sem snerti hjartastrengi lesenda.

Í færslunni talar hún um konu ógleymanlegt viðtal sem hún átti við konu að nafni Steinunn Jakobsdóttur fyrir þáttinn „Fólk með Sirrý“. Þá var Steinunn lífsglöð ung kona með tvö myndarleg börn og ræktaði skemmtilega hunda. Skömmu síðar fékk hún heilablóðfall og við það missti Steinunn nánast allt. Í dag, 18 árum síðar, má hún gera sér það gott að lifa af 16 þúsund krónum á mánuði eftir að reikningarnir hafa verið greiddir. Skorar Sirrý á stjórnmálafólk og fjölmiðlafólk í færslunni. Sirrý gaf Mannlífi góðfúslegt leyfi til að birta færsluna í heild sinni. Hún er hér að neðan:

,,Reynir að lifa af sextán þúsund krónum á mánuði“ er fyrirsögn í Fréttablaðinu um helgina. Mér er nóg boðið. Hversu mikið er hægt að taka af fólki?

Ég starfaði í 30 ár sem fjölmiðlakona og sum viðtöl lifa meira með mér en önnur. Eitt sinn fór ég í Mosfellsbæinn að taka viðtal fyrir sjónvarpsþáttinn minn ,,Fólk með Sirrý“ við Steinu, 27 ára lífsglaða konu, sem ræktaði svo sérstaka og skemmtilega hunda. Heimsóknin var ógleymanleg því heima hjá henni var svo mikið líf og fjör. Steinunn Jakobsdóttir var fjölskyldukona með tvö myndarleg börn sem voru að teikna og lita í stofunni innan um hunda, ketti, fugla og úti í garði voru lögregluhundar sem voru í þjálfun hjá sambýlismanni Steinu. Hún vann úti og rak líka litla verslun með gæludýrafóður í Mosfellsbæ. Það var svo skemmtilegt að koma inn á þetta líflega heimili.
Næsta sem ég frétti af Steinu var að hún fékk heilablóðfall 27 ára og missti við það næstum allt. Hún lamaðist og notar hjólastól, er með heilaskaða og sér illa. Við tók endurhæfing í nokkur ár og hún gat ekki alið upp börnin sín eða haldið heimili. Hún missti næstum allt. Það biður enginn um að fá heilablóðfall og verða öryrki til lífstíðar. Steina er í þeirri stöðu núna 18 árum eftir áfallið að hún er að missa tækifærið til sjálfstæðrar búsetu. Húsaleigubætur hættu að berast um áramót (út af einhverjum breytingum í kerfinu) og hún á 16 þúsund krónur eftir þegar reikningar hafa verið greiddir. Matur er munaðarvara. Og sjúkraþjálfun er lúxus. Steina hefur sýnt mikinn dugnað að búa ein í íbúð í Mosfellsbæ í mörg ár. Það mun kosta samfélagið miklu meira ef hún missir íbúðina. Hvar á hún þá að búa? Og hvað mun það kosta Mosfellsbæ. ,,Computer says no“ einhversstaðar í kerfinu. En ég skora á bæjaryfirvöld og Húsnæðis- og mannvirkjastofnun að finna smugu, opna nýjar leiðir og laga þetta. Kerfi eru búin til af fólki. KOMA SVO. Hversu mikið er hægt að leggja á eina konu? Móðir sem fær heilablóðfall og lamast 27 ára á ekki að þurfa að biðja um mat og missa heimilið sitt á miðjum aldri. Hversu mikið á ein manneskja að missa?
Helga Möller og aðrir í stjórnmálum í Mosó er ekki hægt að ganga í málið? Nánar má lesa um málið í Fréttablaði helgarinnar. Fjölmiðlar ættu líka að taka málið áfram, fylgja því eftir og sjá hver tekur á málum. Heiðar Örn Sigurfinnsson Sigmundur Ernir Rúnarsson Björk Eiðsdóttir Linda H. Blöndal Arnar Björnsson Hrafnhildur Halldórsdóttir
Mér kemur þetta í raun ekki við en sumir viðmælendur hafa meiri áhrif á mann en aðrir og Steina á betra samfélag skilið.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -

© 2023 Mannlíf.is. Allur réttur áskilinn. Notkun á efni miðilsins er óheimil án samþykkis.